dia rote un griene kiegele im video håißet poi. dia person wo zum säë isch håißt blue. wenn dia poi so schwinget hanni mi schå oft gfragt: binni d person wo d poi håt oder binni d poi. anderscht gsagt: sind die poi a teil vo mir? wie meine arm, händ un fiëß?

wo i glernt hab zum krabble un später denn zum auf zwoi fiëß zum latsche, då hanni ja au it gwisst ob meine ekschtremitäte teil vo mir sind oder it. s isch halt åifach so gwä. i hanns mi garet gfragt. weil då håt s kåi unterricht geë. då håt s kåi skala geë vo åins bis supper.

un jez denki halt dasses schee isch d poi als teil vo blue zum säë. s isch wie zwoi finger mehr. zwoi finger wo halt net mit knoche verbunde sin, sundern mitëmë seil. un wo halt ausschauet wia kiegele. un wo halt leuchtet.