MARX Live Dream #6: Sounds To Fall Asleep With

Eine Kollaboration mit MARX Live Dream: Sounds To Fall Aslepp With. Zu MARX’ ruhiger Musik wird Gesprech von Mio eingestreut.

erschtens

i glaub i han’s verstande wies gemoint hosch als du xagt hosch wasd gmacht hosch bevor du durch d’wald dure gange bisch. d’wald isch a symbol fir dunkelheit wo’d halt koi ahnung hosch wo’d bisch, wod’ na gåsch, waas glei kommt, also oifach a wald wo’d it woisch wod’ herkommsch und au itte wer du überhaupt bisch. in soeme wald zum stande isch wie wennd’ krepiere tädsch und kapiere tädsch dass du der wald bisch, du bisch selber der wald. wennd’ dinne bisch na hosch di scho vergesse, aber du woisch au dass es di nie gea hot un dass alls wo’s hot allaweil då gwä isch, mit oder ohne di, isch grad egal. na woisch was des fira wald isch, na hosches verstande. na hosch verstande dass d’oinzige wahrheit it verstande kasch. du fangsch aa zum sehe, dass es besser isch, nix zum verstande un des gfühl zum erforsche wie’s isch komplett hilflos im nebel zum existiere, ohne ziel oder wunsch. diaf im wald dinne siehsch bloß a dunkle schattierung, du hörsch bloß ab un zue a gräusch, du ståhsch oifach då und du woisch dass alls was do isch alls isch was do isch, ohne ebbes wegzumnehme oder dazuzumtue. du läsches oifach wie’s isch. na bleibt au alls wie’s isch.

zwoitens

a zen meischter hot amol xagt:

nix zum sehe hoißt den weg zum sehe, und nix zum kapiere hoißt d’wirklichkeit zum verstande. du verståhsches erscht richtig wennd’ kapiersch ohne zum verstande. richtig zum verstande hoißt it bloß dassd’ verståhsch wied’ verståhsch. s hoißt au dassd’ verståhsch wied’ ned verståhsch. wenn du ebbes verståhsch, na verståhsches ned. wenn du garit verståhsch, na hosches kapiert.

mach oifach. denk it nach, zweifel it. wennd’ zweifelsch, na hosches scho falsch gmacht. falsch kommt vom zweifle. wenn du’s nabringsch des zum kapiere, na machsch nix meh falsch, weil du hosch nie ebbes falsch gmacht.

drittens

durch d’wald dura zum gau hoißt dassd’ alloi bisch. die feuchte luft wo du atmsch, dia blätter unter deini fiaß, dr wind wod’ hörsch. des bisch du. ganz alloi du.